العقل زينة

شو قصتي مع اللادينيين؟!!… هي تالت تدوينة عن هالكائنات…..
بس ظريفين… لاتقلولي… ظريفين كتير

أحياناً بتقرا ببعض المواقع اللادينية والإلحادية بعض المواضيع اللي بيحكي فيها أصحابها عن تجربتين مع دينين, وإنو كيف صار لتركو دينين وقديش كانو ملتزمين بالدين ولكن صحوة الضمير والعقل خلتهم يعيدو التفكير ويكتشفوا أنو لا فيه الله ولا من يحزنون…

أحياناً بتقلب عليي معدتي وبجي تراجع من كتر ما سمعت نفس القصة, يمكن سمعتا شي مية مرة أو أكتر.. بس بيتغير بعض الأشياء.. مثلا بدل الصلاة بالبيت بتكون الصلاة بالجامع.. وبدل الآية الفلانية اللي خليتو يشك بيكون الحديث النبوي العلاني…

اكمل القراءة »

قال فيه شيخ بيطلع ع قناة الـ mbc يومياً… يومياً هَهْ … يعني يومياً بيتحفنا بشغلات …. كيف بدي قلكون… شي بيمجد الخلاق…
آخر شغلة طلع فيها هالشيخ الملقب بـ “سلمان العودة” و (زهقان الروحة) .. آخر شي كان, أنو لازم حزب الله يغير أسمو.. وأنو يابا شو.. ما بيجوز يطلق هالأسم ع فصيل معين, حيث أنو هالأسم أوسع من هيك وبيشمل شي مليار ونصف المليار من النسمات… وخاصة إنو شعار الحزب /فان حزب الله هم الغالبون/ مأخوذ من نص قرأني “ولذلك فإن حزب الله هو اسم قرآني ويشمل كل الذين ينتمون إلى الله، وإلى دين الله، ورسوله والإسلام عمومًا” على قولة صاحبنا.

هلق … ما بعرف شو ممكن نحكيه لهالزلمة… أنو شو مفكر البشر.. هبلان؟!!.. جدبان؟!!…
اكمل القراءة »

شي خلصت بكلوريا وسجلت بالجامعة…. سجلت من كل قلب و رب…. وأنو شو… رايحين عالدرس… بدنا نحرق دين الأخضر واليابس..
فتت عالمحاضرة الأولى… وهالحكي كان بالـ 98 .. وأذكر على ما أذكر أنو كانت المادة فيزياء 1…. يعني تخيلو أنتو طالب, ترك أهلو بعمر 18 سنة وراح لمدينة بعيدة كتير, وألقى الأهل على عاتقو ثقة المفروض أنو هوي أهل لها.. وفيه من الدم الكافي للشعور بهالمسؤولية وتأنيب الضمير… وغير هيك ثقتو بنفسو وبقدراتو عالية جدا….

تصورتو معي بأي حماس ممكن يدخل هيك طالب لقاعة المحاضرات؟!!… اكمل القراءة »

كل مرأة بتحلم يكون عندا رجّال متل العالم……….. يعني حنون وقلبو طيب وكويس ابن عالم وناس ويحبا بس ما حدا بياكل غير نصيبو…. وكل وحدة هي وحظها…. يعني في رجال كتير صعبة, كتير طبعها صعب, بتعصب عأقل شي وما بيعجبا العجب وبتعامل المرأة على انها خدامة  / قومي يا مرا حطي أكل جوعان ــــ العما بعيونك لهالطبخ اعرفك هيك ما خدتك بدي افهم كيف أهلك بجوزوك ولسا ما بتفهمي شي / مع انو بجوز تكون هالمرأة دكتورة بس نصيبا انها مرأة وهادا قدر الانسان…. ومو بس هيك بجوز يضربا ويمسح فيا الاراضي من مبدأ بيمشي فيه (أنا الرجّال بالبيت وكلمتي هي اللي بدا تمشي)…. وخليها تسترجي تفتح تما وإذا فتحيتو بتكون مرأة فاجرة ووقحة بترد بوجه زوجها…/ والله يساعدنا/ اكمل القراءة »

لماذاعندما أسمع الجرس يدق ؟؟ أظن بأنك ستأتي….. ولست بآت

أقلبي يشعر بك ؟؟؟ أم عيوني اشتاقت ؟؟؟ رغم بعد المسافات

كم صادفت في بعدك قلوب,,,,,,وهيهات أن أجد مثل قلبك هيهات
اكمل القراءة »

بيقلولنا “تحرر المرأة”… بس شي مرة حدا سأل شو يعني تحرر المرأة؟!…..

بجوز شي حدا سأل, بس شو كان الجواب؟ كان إنو المرأة فيها تصير متل الرجال مثلاً.. هههههههههه…. شي بيضحك لانو ما في مرأة بالعالم بامكانها تصير مكان الرجال.. ليش يا ترى؟

بإختصار.. المرأة تعد الجنس اللطيف بالمجتمع, يعني مستحيل تقدر تحل محل الرجل إلا إذا كانت مسترجلة, بس مو معناها انها ما بتقدر تقدم شي!!… لأ ممكن تقدر, بس بحدود.. اكمل القراءة »

%%%%%%%%%%%%%%%%%%%%%%%%%%%%%%
ملاحظة.. الشخصيات الأدبية الواردة لاحقا أحترمها أحتراما خاصا,وأعتز بها أنها من سورية
%%%%%%%%%%%%%%%%%%%%%%%%%%%%%%

هداك النهار كنا سهرانين شلة عند واحد من رفقاتنا, ومن بين الموجودين فيه صديق عزيز لألي وليكن /عيسى/.. وهادا الـ عيسى شب مثقف حسب المفهوم الدارج للكلمة.

من عاداتو السيئة لهالصديق أنو إذا سمع شغلة أو عرف شغلة وكانت بنظرو مهمة وأنت أبديت برود تجاه هالشغلة بيعتبرك مباشرة ضعيف ثقافيا وما بتعرف تميز الثمين من المبتذل. فمثلا إذا سمع مقطوعة موسيقية وأعجب فيها بيجي لعندك وبدو يسمعك ياها إجباري عنك وبيضل يحكي عنا ويسمعك أشباهها لحتى تقلو /الله… فعلا شي عظيم وراقي/.. وإلا بتكون منحط موسيقيا ومتلك متل محبي حكيم و شعبان عبد الرحيم… /لأن هدول برأيو متل البرغش/ اكمل القراءة »

بيقولو “وراء كل رجل عظيم أمرأة”.. قول حلو ومعبر.. وفعلا.. المرأة إذا قصدت تساعد الرجل يا لطيف شو بيطلع بأيدها…. هادا إذا قصدت..

بس نسو يقولو كمان “وراء كل رجل فاشل أمرأة”..

بصورة عامة وراء الرجل دائما وأبدا فيه أمرأة … إن كان عظيم هادا الرجل أو فاشل وراه أمرأة.. بس العظماء أقل بكتير.. بكتير كتير

مابعرف إذا التشبيه بمحلو.. بس المرأة والرجل بحسين متل الفلاح والتور.. يعني التور بيمشي عالخط اللي بدو ياه الفلاح شاء التور أم أبى.. وبالأخير.. الخط الأعوج من التور الكبير..

هلق بيكون التور عم يقول لحالو “العمى اللي ضربك يا هالفلاح ما أحولك, مو هيك بتكون الفلاحة, بس أنا أكبر منك ولازم أستوعبك”

من جهة تانية بيكون الفلاح بأيدو العصاية وعم يقول “حااااااا… من هون يا حيوان… أمشي عالخط… ع شو قينيك ما بعرف… حجم عالفاضي ومخ مافيه وفوق كل هادا أكلك أكتر من إنتاجك”

تحميل

.

بروحي تلك الأرض ما أطيب الربى..

..و ما أحسن المصطاف و المتربع

و أذكر أيام الحمى ثم أنثني..

..على كبدي من خشية أن تصدع

و ليست عشيات الحمى برواجع..

..إليك و لكن خلي عينيك تدمع

كأنا خلقنا للنوى و كأنما..

..حرام على الأيام إن نتجمع

من زمان… مو زمان كتير, شي مية سنة وما سبق, كان الناس يستخدوا الخيول والعربات بالنقل..  هلق طبعا إللي ما عندو حصان ممكن يستخدم فدان.. شبو الفدان.. أرخص وقوي كتير وممكن نشغّلو بالفلاحة كمان..

بس المشكلة بالفدان أنو يا أخي بيعمل خط أعوج… وغير هيك…. الفدان مشهور بهوجانو… حدا بيقلكون فدادين هايجة… والله إذا فلت الفدان….. شو؟… عجايب بيعمل..
اكمل القراءة »