العقل زينة

طرحت سيريانيوز حاليا موضوع للأستفتاء من قبل القراء بعنوان “الخادمات الاجنبيات في سوريا .. عبودية ام من سمات العصر”..

بعرف بوجود خادامات أجنبيات… الشغلة مو جديدة… بس اللي لفت نظري.. معقول هالظاهرة متفشية لدرجة أنها تنطرح للأستفتاء؟!!!..

ما علينا… فتنا عالموضوع… بتلاحظ من التعليقات أنو نسبة كبيرة من المعلقين بيأيدو الفكرة.. تقريبا 80% من المعلقين بيدافعوا عن وجود الخادمات الأجنبيات بالبيوت.. لأ وبيدافعوا عنو بأحتداد.. واللي بيخالفين بالرأي بيقولو عنو متخلف وبربري وهمجي وأنو شو هالمجتمع العربي الذكوري.. يعني نفس العبارات اللي منسمعها لما بيتناول الموضوع المرأة من قريب أو بعيد.. » أكمل القراءة

“ماذا يفعل المرء, إذا كان غير قادر على التمييز, أمن البشر هو أم حيوان”

هذا مطلع أغنية باللغة الألمانية.. وهو أول مابرق في رأسي عندما سمعت خبرا عن حدث جلل هز الشارع العام في النمسا.. والخبر يقول..

أن المواطن /نسيت شو أسمو, لأن الخبر بايت/ والبالغ من العمر 59 عاما كان قد حبس أبنته المراهقة في قبو المنزل لمدة زمنية طويلة جدا سمحت له أن ينجب منها 7 أطفال…. تصورو…

بعدما أن قام بحبسها وضع في صندوق بريد المنزل رسالة مكتوبة بخط يدها تقول فيها أنها /الفتاة/ قد قررت أن تعيش مع صديقها وأنهم غادرو المدينة ليعشوا في سعادة وهناء.. ومثل الأب دور المصدوم في القضية بعد أن قرأ الرسالة على زوجته أم الفتاة.. » أكمل القراءة

مرة .. في أحد أيام الجامعة الصيفية الباردة.. فترة الأمتحانات تحديدا.. وتحديدا أكتر, بالفصل اللي كان عندي فيه 13 مادة فقط لاغير.. ومهدد بالرسوب وبئس المصير.. بهديك الأيام .. كان عندي مادة أسمها على ما أذكر نظم تشغيل..

الدكتور المحاضر اللي بيعطي هالمادة كان وقتها معتزل, فأرتأت عمادة الكلية النبيهة أنو تجبلنا دكتور تاني لحتى يعطي محاضرات المادة آنفة الذكر, ومن شدة نباهة عمادة الكلية جابولنا دكتور من الأكاديمية العسكرية.. الواحد يحكي الصدق,, الأكاديمية كويسة.. والدكتور مبين عليه /كيف بدي قلكون ياها/ يعني هه شي إنو فهمان.. بس كان مفكرنا قطيع غنم أو عساكر عند اللي خلفو.. وكان يعتمد طريقة النسخ-لصق بالدراسة.. يعني الحفظ الجاف.. بس مو الحفظ اللي متعودين عليه بالجامعة.. لأ لأ.. الحفظ الناشف.. عالطريقة الروسية القديمة /نظرا لأنو متخرج من روسيا/..

تبا.. طلعنا عن الموضوع.. مع ذلك.. مو غلط تعرفو شوي عن كليتنا على خلفية هالمادة » أكمل القراءة

طرحت سابقا فكرة اللادينيين تحت عنوان “لا دينيين, لا غبار عليكم”.. وطلعنا فيها أنو العرب من اللادينيين معظمهم مسيحيين .. أو يمكن يهود.. يمكن فيه منهم مسلمين مرتدين.. بس إجمالا.. هالـ لادينيين قلنا عنهم أنو حتى يظهروا لازم يخالفوا .. ومين رح يخالفو؟ طبعا الإسلام.. مو معقول مسيحي ينتقد المسيحية أو يهودي ينتقد اليهودية..

وبتلاقي الواحد فيهم عم يدور بسراج وفتيلة بآيات القرآن على وجه الخصوص بأعتباره حجة المسلمين الأولى وأعجازهم اللغوي.. ومجرد مايلاقوا تناقض “على حد قولين”, بتلاقي الواحد قعد يكتب ويفسر ويحلل ومن دون يعذب حالو بفهم الحالة الأعرابية للكلام… يعني مثلا الآية رقم 28 من سورة فاطر:

“ومن الناس والدواب والانعام مختلف ألوانه كذلك إنما يخشى الله من عباده العلماء إن الله عزيز غفور”
» أكمل القراءة

جرت العادة أن أكتب أينما كتبت باللهجة العامية, خاصة أن مجمل ما أكتبه يعود لي شخصيا من أفكار جالت بخاطري ومشاعر أعترت نفسي فأكتبها تماما كما هي, خالية من كل تزويق وتنميق, وفي نهاية المطاف أجد لذة عظيمة في السخرية من هكذا أفكار بعضها أقلقني ليال طوال.

أما الآن, فشئت أن أكتبكم بالفصحى, رغم معرفتي المسبقة بضعف بلاغتي وفقر ومعجمي وسطحية تعابيري اللغوية. والسبب في ذلك يا أصدقاء, أنه لا مجال لنقاش هكذا موضوع بالعامية خوفا من أن يصبح إبتذالا لا يطاق. وأني لأستطيع من اللحظة أن أرى نفسي بعد عدة أشهر أقرأ ما أنضد الآن والسخرية تعلو تقاسيم وجهي, بل أني أشعرها حقا… ياللمهزلة…. ولكن … مجبر أخاكم لا بطل.

موضوعنا يا أخوتي هو الثقافة… » أكمل القراءة

فيه شي حدا منكم صرلو طريق للمنطقة الصناعية بالمدينة اللي هوي فيها؟!!… يمكن اللي ما بيعرف معلمين الورشات والصنايعية بيكون عندو فكرة مغلوطة عنين, يعني بيفكر أنو المعلم بيقضي نهارو كلو بالشغل والعياط وكلام سوقي وما إلى هنالك من أوصاف عودتنا عليها المسلسلات.. أساسا اللي كتب المسلسل بيكون شخص عادي ما شاف من الصناعة إلا القشور… أنا بعرف كام معلم بالصناعة, والله لما بطلع بزورين بالورشات بتطق خواصري من الضحك من كتر مانين حاضري النكتة وأرواحهم مرحة, ويوم اللي بيعزمني واحد منهم على كاسة متة بالورشة بترك كلشي بين أيديي وبطلع.. » أكمل القراءة

إذا تصالحوا الكبار ما بتروح إلا عالصغار..

في حال كنتو من الصغار, نصيحة, وقفوا ضد أي مصالحة

متل ما بيعرف الكل.. المسلمين السنة بيعيبوا على المسلمين الشيعة زواج المتعة.. أنو ع أساس زواج المتعة محرم ومابيجوز شرعا.. وطبعا اللي حرم زواج المتعة هوي عمر بن الخطاب…

ونظرا لأنو عمر بنظر الشيعة غير مؤهل لتحريم ما أحل الله وخاصة لأنو الصحابة أستمتعوا في عهد الرسول … وأنو من مبدأ “مين هوي عمر لحتى يغير بدين رسول الله -ص- ؟!!!”… لهيك ما بيعترفوا لا فيه ولا بتحريمو… [1]

هلق المفارقة العجائبية.. أنو السنة عندهم فتاوى جنسية… شو فتاوى… يا ريت… يعني المتعة ولا شي مقابيلها…

عالقليلة زواج المتعة هوي “زواج” .. يعني فيه عقد وشروط وشيخ.. وكلشي وعلى أصولو… أما هالفتاوى يا جماعة… والله الله يعين البشر… قصدي الله يلعن البشر…

أسمعو هي… » أكمل القراءة

ممكن إذا بتريدو حدا يفهمني شغلة؟!!

“ليش المحطات العربية كتير مهتمين بأفغانستان؟!”

يعني ما بتمر نشرة أخبار بلا خبر أو خبرين عن أفغانستان… فيكون تفهموني ليش؟… لأ والأحلى أنو بيعملولك برامج كمان.. لحتى يفرجوك المعاناة والقهر والقمع ومدري شو كمان…. يعني ماعاد فيه قهر ومعاناة غير بأفغانستان؟!!… خلص؟!!… انو كل العالم عايش بسلام وأمان وضل يا حرام أفغانستان بس عم يشوفوا الويل والعذاب؟!!!

أكيد لأ.. الشغلة لا شغلة ويل ولا عذاب… شو لكن؟!!… » أكمل القراءة

تحميل

يا رايح عضيعتنا - عازار حبيب

…..

يارايح ع ضيعتنا برجوعك صوبي حول
طالت عنها غيبتنا يطول عمرك لا تطول
…. » أكمل القراءة